Testimony #712 - ಎರಡು ಬಾರಿ ಆಪರೇಷನ್ ಕೂಡ ಆಗಿತ್ತು. 5 ಬಾರಿ ಆಸ್ಪತ್ರೆಯಲ್ಲಿ ಅಡ್ಮಿಟ್ ಮಾಡಬೇಕಾಯಿತು...

 ದೇವರ ನಾಮಕ್ಕೆ ಸ್ತೋತ್ರ! 

 ನನ್ನ ಹೆಸರು ಲಲಿತಾ.

ನಾನು ಪ್ರಾರ್ಥನೆಗೆ ಜಾಯಿನ್ ಆಗಿ ಇವತ್ತಿಗೆ 20 ದಿನಗಳು ಆಗಿವೆ. ಮಂಜುಳಾ ಸಿಸ್ಟರ್ ರವರು ಬೆಳಗಿನ ಪ್ರಾರ್ಥನೆಗೆ ಜಾಯಿನ್ ಆಗಿ ಎಂದು ಮಾರ್ಗದರ್ಶನ ನೀಡಿದಾಗಿನಿಂದ, ನನ್ನ ಜೀವನದಲ್ಲಿ ದೇವರು ಅದೆಷ್ಟೋ ಅದ್ಭುತ ಕಾರ್ಯಗಳನ್ನು ಮಾಡುತ್ತಿದ್ದಾರೆ.

ಕಳೆದ ಎರಡು ವರ್ಷಗಳಿಂದ ನಾನು ಮತ್ತು ನಮ್ಮ ಮನೆಯವರು ದವಾಖಾನೆ–ಆಸ್ಪತ್ರೆಗಳ ನಡುವೆ ಓಡಾಡುತ್ತಿದ್ದೇವೆ. ಅವರಿಗೆ ಅಸ್ತಮಾ ಸಮಸ್ಯೆ, ಭಯಂಕರ ತ್ರಾಸ್, ಹಾಗೂ ಎರಡು ಬಾರಿ ಆಪರೇಷನ್ ಕೂಡ ಆಗಿತ್ತು. 5 ಬಾರಿ ಆಸ್ಪತ್ರೆಯಲ್ಲಿ ಅಡ್ಮಿಟ್ ಮಾಡಬೇಕಾಯಿತು. ಮನೆಯಲ್ಲಿ ಶಾಂತಿ ಸಮಾಧಾನ ಇರಲಿಲ್ಲ.

ಕಳೆದ ವಾರ ನಾನು ಬಿದ್ದು ಕೈ ಮುರಿದುಕೊಂಡಾಗ, ನೀವು ಪ್ರಾರ್ಥನೆ ಮಾಡಿದಿರಿ. ಡಾಕ್ಟರ್ ಆರು ತಿಂಗಳು ಬೇಕು ಎಂದಿದ್ದರು — ಆದರೆ ದೇವರ ಕೃಪೆಯಿಂದ ಕೇವಲ 20 ದಿನಗಳಲ್ಲಿ ಕೈ ಸಂಪೂರ್ಣವಾಗಿ ಆರಾಮವಾಗಿದೆ. ಇದಕ್ಕಾಗಿ ದೇವರಿಗೆ ಕೋಟಿ ಸ್ತೋತ್ರ.

ಅದೇ ಸಮಯದಲ್ಲಿ ನನ್ನ ಮನೆಯವರಿಗೂ  ಆಪರೇಷನ್ ಇತ್ತು.ಅದಕ್ಕೂ ನಾವು ಪ್ರಾರ್ಥನೆ ಮಾಡಿಸಿಕೊಂಡೆವು. ಮೊದಲು 8 ದಿನ ಅಡ್ಮಿಟ್ ಮಾಡಿಕೊಂಡು ಸಲೈನ್ ಹಚ್ಚಿ ಆಮೇಲೆ ಆಪರೇಷನ್ ಮಾಡುತ್ತಿದ್ದರು, ಆದರೆ ಈ ಸಲ ಎಲ್ಲಾ ನಾರ್ಮಲ್ ಇದೆ ಸಲೈನ್ ಬೇಡ ಎಂದು ಡಾಕ್ಟರ್ ಹೇಳಿದರು. ಆಪರೇಷನ್ ಸಕ್ಸಸ್ ಆಗಿದ್ದಕ್ಕೆ ಡಾಕ್ಟರ್ ಕೂಡ ಆಶ್ಚರ್ಯಪಟ್ಟರು  ಆಪರೇಷನ್ ಯಶಸ್ವಿಯಾಗಿ ಆಯಿತು, ಅವರು ಚೆನ್ನಾಗಿದ್ದಾರೆ.  “ಚಲೋ ಆಪರೇಷನ್ ಆಯಿತು”  ಎಂದು ಡಾಕ್ಟರ್ ಕೂಡ ಹೇಳಿದರು. ಆಪರೇಷನ್ ಆದ ಕೂಡಲೇ ಡಿಸ್ಚಾರ್ಜ್ ಮಾಡಿದರು. ಅವರಿಗೆ ಯಾವ ನೋವು ಕೂಡ ಇರಲಿಲ್ಲ. ಎರಡು ತಿಂಗಳು ವಿಶ್ರಾಂತಿ ತೆಗೆದುಕೊಳ್ಳಲು ಹೇಳಿದ್ದರು. ಆದರೆ 15 ದಿನಕ್ಕೆ ಸಂಪೂರ್ಣ ಗುಣವಾಗಿ ಕೆಲಸಕ್ಕೆ ಹೋಗುತ್ತೇನೆ ಎನ್ನುತ್ತಿದ್ದರು.  ದೇವರಿಗೆ ಸ್ತೋತ್ರ!

ನಾನು ಬಿದ್ದ ದಿನ, ಮನಸ್ಸು ತುಂಬಾ ದುಃಖದಿಂದ ತುಂಬಿತ್ತು… ಆತ್ಮಹತ್ಯೆ ಮಾಡಿಕೊಳ್ಳಬೇಕು ಅಂತ ಅಂದುಕೊಂಡಿದ್ದೆ ನನಗೆ ಬಹಳ ಬೇಜಾರಾಗಿತ್ತು  . “ಯೇಸುವನ್ನು ನಂಬಿ ನಲವತ್ತು ವರ್ಷ ಆಯ್ತು—ಆದರೂ ಬಿಡುಗಡೆ ಆಗಿಲ್ಲ, ಮತ್ತೆ ಏನು ಉಪಯೋಗ?” ಎಂದು ಮನಸ್ಸಿನಲ್ಲಿ ವಿಚಾರ ಮಾಡಿಕೊಂಡಿದ್ದೆ.

ಆದರೆ ಈ ಪ್ರಾರ್ಥನೆಯ ಮೂಲಕ ದೇವರು ನನ್ನ ಜೀವನಕ್ಕೆ ಹೊಸ ಸತ್ಯ, ಹೊಸ ಬೆಳಕು, ಹೊಸ ಶಾಂತಿ ಕೊಟ್ಟಿದ್ದಾರೆ. ದೇವರನ್ನು ನಿಜವಾಗಿ ಅರಿಯುವುದಕ್ಕೆ, ಆತ್ಮೀಯವಾಗಿ ಬೆಳೆಯುವುದಕ್ಕೆ, ಪಾಸ್ಟರ್ ನಿಮ್ಮನ್ನು ಉಪಯೋಗಿಸಿದ್ದಕ್ಕಾಗಿ ದೇವರಿಗೆ ಕೋಟಿ ಸ್ತೋತ್ರ.

ಪಾಸ್ಟರ್, ನನಗೂ ನನ್ನ ಕುಟುಂಬಕ್ಕೂ ನೀವು ತೋರಿದ ಪ್ರೀತಿ, ಮಾರ್ಗದರ್ಶನ, ಮತ್ತು ಆತ್ಮಿಕ ಸಹಾಯಕ್ಕೆ ದೇವರು ನಿಮಗೂ ನಿಮ್ಮ ಕುಟುಂಬಕ್ಕೂ ಮಹಾಶ್ರೇಷ್ಠವಾದ ಆಶೀರ್ವಾದಗಳನ್ನು ನೀಡಲಿ.

ದೇವರ ನಾಮಕ್ಕೆ ಸಂಪೂರ್ಣ ಮಹಿಮೆ! ✨


ಫಾಲೋ ಮಾಡಿ, ಲೈಕ್ ಮಾಡಿ, ಕಮೆಂಟ್ ಮಾಡಿ ಮತ್ತು ಶೇರ್ ಮಾಡಿ!




  
           
SCAN FOR THE LOCATION 

For Prayer Request WhatsApp: 9880516003

GOOGLE MEET LINK - TO JOIN MORNING PRAYER @6 AM from MONDAY TO FRIDAY


 

Comments

Post a Comment

Popular posts from this blog

Testimony #701 - ಆ ಸಮಯದಲ್ಲಿ ನನಗೆ ಆರೋಗ್ಯ ತುಂಬಾ ಹದಗೆಟ್ಟಿತ್ತು

Image
   ನನ್ನ ಹೆಸರು ಸರೋಜಿನಿ, 🙏 ಮೇ ತಿಂಗಳಲ್ಲಿ, ನಮ್ಮ ಅಣ್ಣ ಮಾರ್ನಿಂಗ್ ಪ್ರೇಯರ್ ಲಿಂಕ್  ಕಳಿಸಿದರು.   ಆ ದಿನವೇ ಪಾಸ್ಟರ್ ನನ್ನ ಹೆಸರು ಕರೆದು, ನಿಮ್ಮ ಅನಾರೋಗ್ಯ ಬಿಟ್ಟು ಹೋಗಲಿ, ಯೇಸುವಿನ ನಾಮದಲ್ಲಿ ನಾನು ಆ ಅನಾರೋಗ್ಯವನ್ನು ರದ್ದು ಮಾಡುತ್ತೇನೆ ಎಂದು ಡಿಕ್ಲೇರ್ ಮಾಡಿದರು.     ಆ ಸಮಯದಲ್ಲಿ ನನಗೆ ಆರೋಗ್ಯ ತುಂಬಾ ಹದಗೆಟ್ಟಿತ್ತು,   ಮೊದಲು ಪಿತ್ತವಾಗಿತ್ತು ಅದರ ಮೂಲಕ ಕಫವಾಯಿತು,  ಅತಿಯಾಗಿ ಕೆಮ್ಮುವಾಗ, ಹಾರ್ಟ್ ಜೋರಾಗಿ ಬಡಿಯುತ್ತಿತ್ತು. ಕೈಕಾಲುಗಳು ಸಹ ನಿಶ್ಯಕ್ತ ಸ್ಥಿತಿಯಲ್ಲಿದ್ದವು, ದೇಹದಲ್ಲಿ ತುಂಬಾ ಕಷ್ಟ ಪಡುತ್ತಿದ್ದೆ.    ಆಸ್ಪತ್ರೆಗೆ ನಾನು ದಿನಾಲು ಹೋಗುತ್ತಿದ್ದೆ, ತಿಂಗಳಿಗೆ ನಾಲ್ಕರಿಂದ ಐದು ಸಾವಿರ ರೂಪಾಯಿ ಖರ್ಚಾಗುತ್ತಿತ್ತು, ಮಾತ್ರೆ ತೆಗೆದುಕೊಂಡಾಗ ಗುಣವಾದೆ ಅನಿಸುವುದು, ಆದರೆ  ಮಾತ್ರೆಯ ಪವರ್ ಮುಗಿದ ನಂತರ ಮತ್ತೆ ಅದೇ ಸಮಸ್ಯೆಯಲ್ಲಿ ಇರುತ್ತಿದ್ದೆ,  ಪಾಸ್ಟರ್ ಡಿಕ್ಲೇರ್ ಮಾಡಿದ ನಂತರ ಎಲ್ಲಾ ಅನಾರೋಗ್ಯವು ಬಿಟ್ಟು ಹೋಗಿ ನಾನು ಆರೋಗ್ಯವಾಗಿ ಇದ್ದೇನೆ, ಪಾಸ್ಟರ್ ಮೂಲಕ ದೇವರು ಮಾಡಿದ ಅದ್ಭುತಕ್ಕಾಗಿ ದೇವರಿಗೆ ಕೋಟಿ ಕೋಟಿ ಸ್ತೋತ್ರ ಸ್ತೋತ್ರ. ನಾನು ಟೀಚರ್ ಕೆಲಸದಲ್ಲಿದ್ದೇನೆ. ಒಬ್ಬರು ನನಗೆ ಪ್ರಮೋಷನ್ ಕೊಡಿಸುತ್ತೇನೆ ಎಂದು ಹೇಳಿ ದುಡ್ಡು ತೆಗೆದುಕೊಂಡರು, ಆದರೆ ಅವರು ಪ್ರಮೋಷನ್ ಮಾಡಲಿಲ್ಲ. ಆದರೆ ನಾನು ಪಾಸ್ಟರ್ ...
Read more

2025 ಅಕ್ಟೋಬರ್ ತಿಂಗಳಿಗೆ ದೇವರು ಕೊಟ್ಟ ಪ್ರವಾದನೆಯ ವಾಗ್ದಾನವು "ಇಲ್ಲದ್ದನ್ನು ಕರೆಯುವುದು" (Month of Calling Things that do not exist )

Image
  ಯೇಸುವಿನ ನಾಮದಲ್ಲಿ ಓದುವ ಪ್ರತಿಯೊಬ್ಬ ಸಹೋದರ  ಮತ್ತು ಸಹೋದರಿಯರ  ಆತ್ಮದ ಕಣ್ಣುಗಳು ತೆರೆಯಲ್ಪಟ್ಟು ನೀವು ಸದಾಕಾಲವೂ ದೇವರ ಆಶೀರ್ವಾದದಲ್ಲಿ ತುಂಬಿ, ತುಳುಕಿ ಮತ್ತು ಹರಿಯುವ ರೀತಿಯಲ್ಲಿ ನಿಮ್ಮ ಜೀವನ ದೇವರ ಉದ್ದೇಶದ ಪ್ರಕಾರ ನಡೆಯಲಿ ಎಂದು ಯೇಸುವಿನ ಹೆಸರಿನಲ್ಲಿ ಅರಿಕೆ ಮಾಡುತ್ತಿದ್ದೇನೆ!   ದೇವರು ಆ ತಿಂಗಳಲ್ಲಿ ಕೊಡುವ ವಾಗ್ದಾನವನ್ನು ಆ ತಿಂಗಳಿನಲ್ಲಿಯೇ ನೆರವೇರಿಸುವವನಾಗಿದ್ದಾನೆ ಮತ್ತು ನಮ್ಮ ಜೀವನದಲ್ಲಿ ಅದೇ ರೀತಿಯಾಗಿ ಮಾಡುತ್ತಾ ಬರುತ್ತಿದ್ದಾನೆ.  ಕಳೆದ 9 ತಿಂಗಳು ಒಂದೊಂದು ತಿಂಗಳಿಗೆ ಒಂದೊಂದು ವಾಗ್ದಾನವನ್ನು ಕೊಟ್ಟು ಆಶೀರ್ವದಿಸಿದ್ದಾನೆ. ವಿಶೇಷವಾಗಿ  ಸೆಪ್ಟೆಂಬರ್ ತಿಂಗಳಲ್ಲಿ ನೀವು ಊಹಿಸುವುದಕ್ಕಿಂತಲೂ ಮತ್ತು ಯೋಚಿಸುವುದಕ್ಕಿಂತಲೂ ಹೆಚ್ಚಾದ ಪಾರ್ಸಲ್ ಗಳು deliver ಆಗಿ, ನೀವು ಎದುರು ನೋಡುವುದಕ್ಕಿಂತಲೂ, ಎದುರು ನೋಡದೆ ಇರುವ ಪಾರ್ಸಲ್ ಗಳು ಬಂದು ಅನೇಕರನ್ನು ಸಾಕ್ಷಿಯಾಗಿ ದೇವರು  ಎಬ್ಬಿಸಿರುವುದಕ್ಕಾಗಿ ದೇವರಿಗೆ ಸ್ತೋತ್ರ.  ಅದೇ ರೀತಿಯಾಗಿ ಈ ತಿಂಗಳು ಇಲ್ಲದ್ದನ್ನು ಕರೆಯುವುದು {The Month of Calling Things that do not Exist!}  ವಾಕ್ಯದ ಭಾಗ :  ರೋಮಾ 4:17 - ನಾನು ನಿನ್ನನ್ನು ಅನೇಕ ಜನಾಂಗಗಳಿಗೆ ಮೂಲಪಿತೃವಾಗಿ ನೇವಿುಸಿದ್ದೇನೆಂದು ಶಾಸ್ತ್ರದಲ್ಲಿ ಬರೆದಿರುವ ಪ್ರಕಾರ ಅಬ್ರಹಾಮನು ನಮ್ಮೆಲ್ಲರಿಗೂ ದೇವರ ಸನ್ನಿಧಿಯಲ್ಲಿ ಮೂಲ ...
Read more

2025 ನೇ ವರ್ಷ ಸೆಪ್ಟೆಂಬರ್ ತಿಂಗಳಿಗೆ ದೇವರು ಕೊಟ್ಟ ಪ್ರವಾದನೆಯ ವಾಗ್ದಾನವು "Deliver" (ಕೊಡಲ್ಪಡುವುದು)

Image
 ಓದುತ್ತಿರುವ ಪ್ರತಿಯೊಬ್ಬ ಸಹೋದರ ಸಹೋದರಿಯರಿಗೆ ನನ್ನ ಪ್ರೀತಿಯ ವಂದನೆಗಳು ಮತ್ತು ಯೇಸುಕ್ರಿಸ್ತನ ಹೆಸರಿನಲ್ಲಿ ನಿಮ್ಮನ್ನು ಆಶೀರ್ವದಿಸುತ್ತಿದ್ದೇನೆ. ಎಂಟು ತಿಂಗಳು ಮುಗಿದು ಒಂಬತ್ತನೇ ತಿಂಗಳಿಗೆ ಕಾಲಿಡಲು ದೇವರು ಕೊಟ್ಟ ಕೃಪೆಗೋಸ್ಕರ ಸ್ತೋತ್ರ. ಈ ತಿಂಗಳಿನ ವಾಗ್ದಾನ "Deliver" (ಕೊಡಲ್ಪಡುವುದು) "Deliver" ಅಂದರೆ ಕೊಡಲ್ಪಡುವುದು. Deliver ಎಂಬುದಾಗಿ ಧ್ಯಾನ ಮಾಡಬೇಕಾದರೆ ದೇವರು ಕೊಟ್ಟ ದರ್ಶನ ಏನೆಂದರೆ 9 ತಿಂಗಳು ಗರ್ಭ ಧರಿಸಿದ ಹೆಣ್ಣುಮಗಳಿಗೆ ಒಂಬತ್ತು ತಿಂಗಳಿನ ನಂತರ delivery ಆಗುತ್ತದೆ. ಆದರೆ ಒಂಬತ್ತು ತಿಂಗಳು  ಆ ಮಗು ಕಣ್ಣಿಗೆ ಕಾಣಿಸುವುದಿಲ್ಲ, ಏನಾಗುತ್ತಿದೆ ಎಂದು ಗೊತ್ತಾಗುವುದಿಲ್ಲ, ಆದರೆ ಸಮಯ ಬಂದಾಗ ನೂರು ಪ್ರತಿಶತದಷ್ಟು ಗ್ಯಾರಂಟಿಯಾಗಿ ಗರ್ಭದಲ್ಲಿರುವ ಮಗು ಕಣ್ಣಿಗೆ ಕಾಣಿಸುತ್ತದೆ. ಆಮೆನ್. ಕೊರಿಯರ್ ನಲ್ಲಿ ಒಂದು ಪಾರ್ಸೆಲ್ ಬರುವಾಗ ಸರಿಯಾದ ಸ್ಥಳದಲ್ಲಿ, ಸರಿಯಾದ ಸಮಯದಲ್ಲಿ ಆ ವ್ಯಕ್ತಿ ಇರುವಾಗ ಪಾರ್ಸೆಲ್ "Deliver" ಆಗುತ್ತದೆ. ಅದೇ ರೀತಿ ದೇವರು ಸರಿಯಾದ ಸಮಯದಲ್ಲಿ, ಸರಿಯಾದ ಸ್ಥಳದಲ್ಲಿ, ಸರಿಯಾದ ವ್ಯಕ್ತಿಯ ಮೂಲಕ ನಿಮಗೆ ಪಾರ್ಸಲ್ "Deliver" ಮಾಡುತ್ತಾರೆ. ರೂತಳು 2:2  - ಮೋವಾಬ್ಯಳಾದ ರೂತಳು ನೊವೊವಿುಗೆ – ನಾನು ಹೋಗಿ ಯಾವನು ನನಗೆ ದಯೆತೋರಿಸುವನೋ ಅವನ ಹೊಲದಲ್ಲಿ ಹಕ್ಕಲತೆನೆಗಳನ್ನು ಕೂಡಿಸಿಕೊಂಡು ಬರುವೆನು ಅಂದಳು. ಯಾರ ಕಣ್ಣಲ್ಲಿ ದಯೆ, ಕೃಪೆ...
Read more